سىزنىڭ ئورنىڭىز :باش بەت >>تېكىست

مەركىزىي كومىتېت بەنگۇڭتىڭى، گوۋۇيۈەن بەنگۇڭتىڭى ‹‹جۇڭگو بىلەن چەت ئەلنىڭ ئادىمىيەت ئالاقىسى خىزمىتىنى كۈچەيتىش ۋە ياخشىلاش توغرىسىدىكى بىر قانچە پىكىر›› نى بېسىپ تارقاتتى

مۇھەررىر: ئابىدە
مەنبەسى: شىنجاڭ گېزىتى
يوللانغان ۋاقىت: 2017-12-22

    شىنخۇا ئاگېنتلىقى، بېيجىڭ، 12 – ئاينىڭ 21 – كۈنى تېلېگراممىسى: ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى شى جىنپىڭ 2017 – يىلى 7 – ئايدا مەركەز ئىسلاھاتنى ئومۇميۈزلۈك چوڭقۇرلاشتۇرۇشقا رەھبەرلىك قىلىش گۇرۇپپىسىنىڭ يىغىنىنى رىياسەتچىلىك قىلىپ ئاچتى، يىغىندا ‹‹جۇڭگو بىلەن چەت ئەلنىڭ ئادىمىيەت ئالاقىسى خىزمىتىنى كۈچەيتىش ۋە ياخشىلاش توغرىسىدىكى بىرقانچە پىكىر›› (تۆۋەندە قىسقارتىلىپ ‹‹پىكىر›› دېيىلىدۇ) قاراپ چىقىلىپ ماقۇللاندى. شۇنىڭدىن كېيىن، ج ك پ مەركىزىي كومىتېتى بەنگۇڭتىڭى، گوۋۇيۈەن بەنگۇڭتىڭى ھۆججەت بېسىپ تارقاتتى ھەم ئۇقتۇرۇش تارقىتىپ، جايلار، تارماقلاردىن ئۆز ئەمەلىيىتىگە بىرلەشتۈرۈپ ئەستايىدىل ئىزچىللاشتۇرۇش ۋە ئەمەلىيلەشتۈرۈشنى تەلەپ قىلدى.

    ‹‹پىكىر›› دە مۇنداق كۆرسىتىلدى: جۇڭگو بىلەن چەت ئەلنىڭ ئادىمىيەت ئالاقىسى پارتىيە ۋە دۆلەتنىڭ تاشقى ئالاقە خىزمىتىنىڭ مۇھىم تەركىبىي قىسمى، شۇنداقلا جۇڭگو – چەت ئەل مۇناسىۋىتىنىڭ ئىجتىمائىي، ئەلرايى ئاساسىنى مۇستەھكەملەش، ئېلىمىزنىڭ ئىشىكنى سىرتقا ئېچىۋېتىش سەۋىيەسىنى ئۆستۈرۈشنىڭ مۇھىم يولى. پارتىيە 18 – قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتى ئادىمىيەت ئالاقىسى خىزمىتىگە يۈكسەك ئەھمىيەت بېرىپ، جۇڭگو بىلەن چەت ئەلنىڭ ئادىمىيەت ئالاقىسى ئىشلىرىنى كۈچەپ راۋاجلاندۇرۇپ، يېڭى ئۇلۇغۋار سەھىپىنى ئېچىپ، ئېلىمىزنىڭ ئىشىكنى سىرتقا ئېچىۋېتىش ئىشلىرىنى ئىلگىرى سۈرۈشكە مۇھىم تۆھپە قوشۇپ، يەر شارى مىقياسىدا ئادىمىيەت ئالاقىسى بىلەن مەدەنىيەت جەھەتتە ئۆزئارا ئۆرنەك ئېلىشنى كۈچلۈك ئىلگىرى سۈردى.

    ‹‹پىكىر›› دە مۇنداق كۆرسىتىلدى: جۇڭگو بىلەن چەت ئەلنىڭ ئادىمىيەت ئالاقىسى خىزمىتىنى كۈچەيتىش ۋە ياخشىلاشتا دۆلەتنىڭ ئىسلاھات، تەرەققىياتى ۋە تاشقى ئالاقە ئىستراتېگىيەسى ئۈچۈن خىزمەت قىلىشنى ئاساس، جۇڭگو بىلەن چەت ئەلنىڭ ئەل قەلبىنى تۇتاشتۇرۇش ۋە مەدەنىيەتتە ئۆزئارا ئۆرنەك ئېلىشىنى ئىلگىرى سۈرۈشنى ئاساسىي مەقسەت قىلىپ، يۇقىرى دەرىجىلىكلەر ئادىمىيەت ئالاقىسى مېخانىزمىدا يېڭىلىق يارىتىپ، ساھەلەر ئادىمىيەت ئالاقىسىنىڭ مەزمۇنىنى، شەكلىنى، خىزمەت مېخانىزمىنى ئىسلاھ قىلىپ، ئادىمىيەت ئالاقىسى بىلەن ھەمكارلىشىش ئىدىيەسىنى تاشقى ئالاقىنىڭ ھەرقايسى ساھەلىرىگە سىڭدۈرۈش كېرەك.

    ‹‹پىكىر›› دە مۇنداق تەكىتلەندى: جۇڭگو بىلەن چەت ئەلنىڭ ئادىمىيەت ئالاقىسى خىزمىتىنى كۈچەيتىش ۋە ياخشىلاشتا ئادەمنى ئاساس قىلىش، باراۋەر ئۆزئارا ئۆرنەك ئېلىش، ئوچۇق، سىغدۇرۇشچان بولۇش، مېخانىزم ئارقىلىق ئۈلگە كۆرسىتىش، كۆپ تەرەپ قاتنىشىش، ئۆزىمىزنىڭكىنى ئاساس قىلىش، ئىسلاھاتتا يېڭىلىق يارىتىش قاتارلىق پىرىنسىپلاردا چىڭ تۇرۇپ، ئادىمىيەت ئالاقىسى ئىدىيەسىنى كىشىلەر قەلبىدىن تېخىمۇ چوڭقۇر ئورۇن ئالدۇرۇشنى كۈچەپ ئىلگىرى سۈرۈش كېرەك، جايلار، تارماقلار ۋە پۈتكۈل جەمئىيەت ئادىمىيەت ئالاقىسى بىلەن ھەمكارلىق ئىقتىدارىنى يەنىمۇ كۈچەيتىشنى قانات يايدۇرۇپ، ھەركىم ئۆز مەسئۇلىيىتىنى ئادا قىلىپ، ماس ھەمتۈرتكە بولۇش خىزمەت مېخانىزمىنى ئاساسىي جەھەتتىن شەكىللەندۈرۈشى؛ جۇڭگو بىلەن چەت ئەلنىڭ ئادىمىيەت ئالاقىسى يوللىرىنى راۋانلاشتۇرۇشنى كۈچەپ ئىلگىرى سۈرۈپ، سۇپىنى تېخىمۇ كۆپ مەنبەلەشتۈرۈپ، شەكىل ۋە مەزمۇنىنى تېخىمۇ بېيىتىپ، جۇڭگوچە ئالاھىدىلىككە، خەلقئارا تەسىرگە ئىگە ئادىمىيەت ئالاقىسىدىكى بىر تۈركۈم كۇرسلۇق مەھسۇلاتلارنى يارىتىشى كېرەك؛ ئېلىمىزنىڭ چەت ئەلنىڭ ئىلغار مەدەنىيەت نەتىجىلىرىنى قوبۇل قىلىش، ئۆرنەك ئېلىشىنى تېخىمۇ زور ئىلگىرىلەشكە ئېرىشتۈرۈشنى كۈچەپ ئىلگىرى سۈرۈشى كېرەك.

    ‹‹پىكىر›› دە مۇنداق كۆرسىتىلدى: يۇقىرى دەرىجىلىكلەر ئادىمىيەت ئالاقىسى مېخانىزمىدا يېڭىلىق يارىتىپ، دۆلەت باشلىقلىرى دىپلوماتىيەسى ۋە باشلىقلار دىپلوماتىيەسىنىڭ يېتەكچىلىك رولىنى، يۇقىرى دەرىجىلىكلەر ئادىمىيەت ئالاقىسى مېخانىزمىنىڭ ئۈلگىلىك، تۈرتكىلىك رولىنى تولۇق جارى قىلدۇرۇپ، ئېلىمىزنىڭ ئالاقىدار دۆلەتلەر بىلەن بولغان ئادىمىيەت ھەمكارلىقىنى چوڭقۇرلاشتۇرۇشنى مۇستەھكەملەش كېرەك. توپلاشتۇرۇش، بىرلەشتۈرۈش ۋە ئىسلاھ قىلىش، يېڭىلىق يارىتىش ئارقىلىق بايلىقلارنى يەنىمۇ توپلاپ، مەزمۇننى بېيىتىپ، ئېغىرلىق مەركىزىنى تۆۋەنگە چۈشۈرۈپ، ئاممىغا يېقىنلىشىپ، يېڭى ئالاقىلىشىش شەكلى ۋە ھەمكارلىشىش ساھەسى ئۈستىدە ئىزدىنىش كېرەك. يۇقىرى دەرىجىلىكلەر ئادىمىيەت ئالاقىسى مېخانىزمىغا تايىنىپ، رايون ئادىمىيەت ئالاقىسىنى ئىلگىرى سۈرۈپ، قاتنىشىدىغان دۆلەتلەرنىڭ دائىرىسىنى كېڭەيتىپ، مېخانىزمنىڭ رايون ئادىمىيەت ئالاقىسىدىكى تەسىرى ۋە تۈرتكىلىك رولىنى يەنىمۇ جارى قىلدۇرۇش كېرەك.

    ‹‹پىكىر›› دە مۇنداق كۆرسىتىلدى: ئادىمىيەت ئالاقىسىنىڭ مەزمۇنى ۋە ساھەسىنى بېيىتىپ، كېڭەيتىپ، ئادىمىيەت ئالاقىسىنىڭ خەلقئارالىق داڭلىق كۇرسلۇق مەھسۇلاتىنى يارىتىش كېرەك. چىقىرىش ۋە كىرگۈزۈشتىن ئىبارەت قوش يۆنىلىشلىك كۈچەشتە چىڭ تۇرۇپ، خەنزۇ تىلى، جۇڭگو تېبابەتچىلىكى ۋە دورىگەرلىكى، جانبازلىق، مەززىلىك تائاملار، بايرام، مىللىي ئۆرپ – ئادەت ھەم باشقا غەيرىي ماددىي مەدەنىيەت مىراسلىرى قاتارلىق ۋەكىل خاراكتېرلىك تۈرلەرنى چىقىرىشنى نۇقتىلىق قوللاپ، جۇڭگو بىلەن چەت ئەلنىڭ ئۆزئارا ئوقۇغۇچى ئەۋەتىش ھەم ھەمكارلىشىپ مەكتەپ باشقۇرۇش، ئالىي مەكتەپ ۋە پەن تەتقىقات ئاپپاراتلىرىنىڭ خەلقئارادا ھەمكارلىشىپ يېڭىلىق يارىتىش، مەدەنىيەت يادىكارلىقلىرى، گۈزەل سەنئەت ۋە مۇزىكا كۆرەكلىرى ئۆتكۈزۈش، چوڭ تىپتىكى تەنھەرىكەت مۇسابىقىلىرىنى ئۇيۇشتۇرۇش ۋە نۇقتىلىق تەنتەربىيە تۈرلىرىنى راۋاجلاندۇرۇش قاتارلىق جەھەتلەردىكى ھەمكارلىقىنى چوڭقۇرلاشتۇرۇش كېرەك. ئادىمىيەت ئالاقىسىنىڭ ھەرقايسى ساھەلىرىدە خەلقئارا تەسىرگە ئىگە بىر تۈركۈم كۇرسلۇق مەھسۇلات تۈرلىرىنى يارىتىپ، جۇڭگو بىلەن چەت ئەلنىڭ ئادىمىيەت ئالاقىسىنىڭ يىللىق ئاساسىي تېمىسىنى يەنىمۇ بېيىتىش كېرەك.

    ‹‹پىكىر›› دە مۇنداق كۆرسىتىلدى: پۈتكۈل جەمئىيەت قاتنىشىش تۈزۈلمە مېخانىزمىنى مۇكەممەللەشتۈرۈپ، مەركەز بىلەن يەرلىك، ھۆكۈمەت بىلەن جەمئىيەتنىڭ ئاكتىپلىقىنى تولۇق قوزغاپ، جايلار، تارماقلار، تۈرلۈك تەشكىلات ۋە توپلارنىڭ جۇڭگو بىلەن چەت ئەلنىڭ ئادىمىيەت ئالاقىسىدىكى يوشۇرۇن كۈچى ۋە بايلىقىنى يەنىمۇ قېزىش كېرەك. ئادىمىيەت ئالاقىسىگە مۇناسىۋەتلىك بىلىم ۋە ئىدىيە ئارقىلىق تەربىيەلەش، تارقىتىش، ئەمەلىيەتتە كۆرسىتىشنى كۈچەيتىپ، چەت ئەللەردىكى جۇڭگو مۇھاجىرلىرى ۋە جۇڭگولۇقلار، چەت ئەللەردە ئوقۇۋاتقانلار، پىدائىيلار ۋە چەت ئەلگە مەبلەغ سالغان جۇڭگو مەبلىغىدىكى كارخانىلارنى ئادىمىيەت ئالاقىسىگە پائال قاتنىشىشقا يېتەكلەپ، ئادىمىيەت ئالاقىسىنى جۇڭگو ۋە چەت ئەل ئاممىسىنىڭ دائىملىق ئالاقىسىگە سىڭدۈرۈش كېرەك. كەسىپلەشكەن، خەلقئارالاشقان ئىجتىمائىي تەشكىلات ۋە ئەل ئارىسىدىكى كۈچلەرنىڭ ئادىمىيەت ئالاقىسىدىكى كونكرېت تۈرلەرنىڭ يۈرۈشۈشىگە قاتنىشىشىغا ئىلھام بېرىش كېرەك.

    ‹‹پىكىر›› دە مۇنداق كۆرسىتىلدى: تىل ئالاقىسى خىزمىتى مېخانىزمىنى بەرپا قىلىپ، ئېلىمىزنىڭ دۇنيادىكى ھەرقايسى ئەللەر بىلەن بولغان تىل ئالاقىسىنى ئىلگىرى سۈرۈپ، كۆپ قاتلاملىق تىل مەدەنىيەت ئالماشتۇرۇش يوللىرىنى ئېچىش كېرەك. خەنزۇ تىلىنى خەلقئارادا كېڭەيتىش سالمىقىنى ئاشۇرۇپ، تېخىمۇ كۆپ دۆلەتنىڭ خەنزۇ تىلى ئوقۇتۇشىنى مىللىي مائارىپ سىستېمىسىغا كىرگۈزۈشىنى قوللاپ، تىرىشىپ كۇڭزى ئىنستىتۇتىنى خەلقئارادا تىلنى كېڭەيتىدىغان ئالدىنقى قاتاردىكى ئاپپارات قىلىپ قۇرۇپ چىقىش كېرەك. دۆلەت ئىچىدىكى ئالىي مەكتەپلەرنىڭ چەت ئەل تىلى پەن سىستېمىسىنى مۇكەممەللەشتۈرۈپ، غەيرىي ئورتاق تىل ئىختىساسلىقلىرىنى يېتىشتۈرۈشنى تېزلىتىپ، ئاممىنىڭ تىل ئالاقە ئىقتىدارىنى ئۈزلۈكسىز ئۆستۈرۈش كېرەك.

    ‹‹پىكىر›› دە مۇنداق كۆرسىتىلدى: جۇڭگو بىلەن چەت ئەلنىڭ ئادىمىيەت ئالاقىسى ئۇنىۋېرسال تارقىتىش ئىقتىدارى قۇرۇلۇشىنى كۈچەيتىپ، جۇڭگو بىلەن چەت ئەلنىڭ رادىيو – كىنو – تېلېۋىزىيە، نەشر ئورگىنى، تاراتقۇلىرىنىڭ بىرلىشىپ فىلىم ئىشلەش، بىرلىشىپ زىيارەت قىلىش، ھەمكارلىشىپ نەشر قىلىشىغا تۈرتكە بولۇپ، جۇڭگو بىلەن چەت ئەلنىڭ كىنو – تېلېۋىزىيە پىروگراممىلىرىنى ئۆزئارا قويۇش جەھەتتە ئالاقىلىشىشىنى ئىلگىرى سۈرۈپ، كىتاب، كىنو – تېلېۋىزىيە ۋە ئەدەبىيات – سەنئەت كونسېرتى قاتارلىق ساھەلەردە مەخسۇس ئالاقە تۈرى ۋە پىلانىنى يولغا قويۇپ، ئادىمىيەت ئالاقىسىنىڭ ئەدەبىيات – سەنئەت مەزمۇنىنى ۋە ۋاسىتىسىنى بېيىتىش كېرەك؛ ‹‹ئالاقە تورى + ئادىمىيەت ئالاقىسى›› نى زورايتىپ ۋە كۈچەيتىپ، رېئال ھەم مەۋھۇم ئالماشتۇرۇش سۇپىسىنىڭ ئۆزئارا تولۇقلىشى ۋە ياخشى ھەمتۈرتكە بولۇشىنى ئىشقا ئاشۇرۇش كېرەك. تاراتقۇلارنىڭ ئالاقىلىشىش شەكلىنى بېيىتىش، خەلقئارالىق تەسىرگە ئىگە تولۇق تاراتقۇ ۋە مەدەنىيەت تارقىتىش ئاپپاراتى بەرپا قىلىش قاتارلىق تەدبىرلەر ئارقىلىق جۇڭگو ھېكايىسىنى ياخشى سۆزلەپ، جۇڭگو ئاۋازىنى تارقىتىپ، جۇڭگو يولىنى شەرھلەپ، جۇڭگونىڭ مەدەنىيەت ئوبرازىنىڭ يېقىنلىق تۇيغۇسىنى كۈچەيتىش كېرەك.

    ‹‹پىكىر›› دە مۇنداق كۆرسىتىلدى: ئېلىمىزنىڭ ئالاقىدار خەلقئارا تەشكىلاتلار ۋە ئاپپاراتلار بىلەن بولغان ئالاقىلىشىشى ۋە ھەمكارلىشىشىنى چوڭقۇرلاشتۇرۇپ، ئادىمىيەت ساھەسىدە دۇنيانى ئىدارە قىلىشقا ئاكتىپ قاتنىشىپ، خەلقئارا جەمئىيەتنى ئادىمىيەت جامائەت مەھسۇلاتلىرى بىلەن پائال تەمىنلەپ ۋە ئېلىمىزنىڭ نامراتلارنى يۆلەش، مائارىپ، سەھىيە قاتارلىق ساھەلىرىدىكى تەجرىبە، ئۇسۇللىرىدىن تەڭ بەھرىلەندۈرۈپ، تەرەققىي قىلىۋاتقان دۆلەتلەرگە بېرىلىدىغان ياردەمنى زورايتىش كېرەك. كۆپ تەرەپلىك ئادىمىيەت سۇپىسىنىڭ مەزمۇن، شەكلىدە ئۈزلۈكسىز يېڭىلىق يارىتىپ ۋە ئۇنى بېيىتىپ، ئوخشىمىغان دۆلەت، ئوخشىمىغان رايون، ئوخشىمىغان مەدەنىيەت ئارىسىدىكى ئالاقىلىشىش، ئۆرنەك ئېلىشنى چوڭقۇر ئىلگىرى سۈرۈش كېرەك.

    پارتىيە 19 – قۇرۇلتىيىدا ‹‹جۇڭگو بىلەن چەت ئەلنىڭ ئادىمىيەت ئالاقىسىنى كۈچەيتىش، ئۆزىمىزنىڭكىنى ئاساس قىلىش، باشقىلارنىڭكىنىمۇ قوبۇل قىلىشنى كۈچەيتىش كېرەك›› دەپ تەكىتلەندى. جايلار، تارماقلار پارتىيە 19 – قۇرۇلتىيىنىڭ روھى ۋە شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى چوڭقۇر ئۆگىنىش ۋە ئىزچىللاشتۇرۇشقا بىرلەشتۈرۈپ، پارتىيەنىڭ جۇڭگو بىلەن چەت ئەلنىڭ ئادىمىيەت ئالاقىسى خىزمىتىگە بولغان رەھبەرلىكىنى كۈچەيتىپ، توغرا سىياسىي يۆنىلىشتە چىڭ تۇرۇپ، مەۋقەنى پارتىيە ۋە دۆلەت خىزمىتى ئومۇمىيىتىگە قويۇپ، بىر تۇتاش پىلانلاپ ئورۇنلاشتۇرۇشنى كۈچەيتىپ، جۇڭگو بىلەن چەت ئەلنىڭ ئادىمىيەت ئالاقىسى خىزمىتىنىڭ مۇقىملىق ئاساسىدا ئىلگىرىلىشىگە كاپالەتلىك قىلىشى كېرەك. ھەر دەرىجىلىك رەھبىرىي كادىرلار ئادىمىيەت ئالاقىسى خىزمىتىگە يۈكسەك ئەھمىيەت بېرىپ، تەشەببۇسكارلىق بىلەن قاتنىشىپ، پارتىيەنىڭ رەھبەرلىكىنى ئادىمىيەت ئالاقىسى خىزمىتىنىڭ پۈتكۈل جەريانىغا ھەقىقىي سىڭدۈرۈشى كېرەك.

[ئابىدە]
010020070830000000000000011100001368456761